Самвел Бабаян қўл остида Ўзбекистон олимпия терма жамоаси биринчи йиғинга киришди, деб хабар беради Ўзбекистон футбол федерацияси матбуот хизмати.
Январь ойида Қатарда ўтказиладиган Осиё Кубогида иштирок этадиган олимпия терма жамоаси 1 декабрдан 2016 йил Рио-де-Жанейрода ўтадиган Олимпиадада иштирок этиш учун йўлланма берадиган мусобақага тайёргарликни бошлади. Тошкентда икки кун шуғулланилгач, 2 декабрь куни йиғинни давом эттириш учун БААнинг Ажман амирлигига йўл олинади. 2—14 декабрда Ажманда ва 19—28 декабрь кунлари Дубайда йиғин ўтказилади. 2—9 январь кунларига мўлжалланган якуний йиғин ҳам Дубайда ўтиши режалаштирилган. Кейин олимпиячилар Доҳага йўл олади ва 13 январда Жанубий Корея олимпия терма жамоасига қарши учрашув билан Осиё Кубогидаги иштирокини бошлайди.
Ўзбекистон олимпия терма жамоаси БААдаги йиғинлари доирасида 7 та назорат ўйини ўтказади.
Йиғинга жалб этилган Ўзбекистон олимпия терма жамоаси таркиби қуйидагича:
Дарвозабонлар: Абдумавлон Абдужалилов («Нефтчи»), Жавоҳир Илёсов («Машъал»), Алибек Туробов («Насаф»), Асилбек Омонов («Пахтакор»).
Ҳимоячилар: Сардор Раҳмонов («Нефтчи»), Бобур Йўлдошев («Локомотив»), Максимилиан Фомин («Бухоро»), Жавлон Мирабдуллаев («Металлург»), Рустам Ашурматов («Бунёдкор»), Абдуллоҳ Олимов («Андижон»), Диёр Туропов («Олмалиқ»).
Ярим ҳимоячилар: Жавоҳир Соҳибов («Пахтакор»), Одил Ҳамробеков («Насаф»), Отабек Шукуров («Бухоро»), Жавоҳир Расулов («Нефтчи»), Дониёр Исмоилов («Олмалиқ»), Аббос Махсталиев («Нефтчи»), Жамшид Искандеров («Пахтакор»), Владимир Козак («Пахтакор»), Жаҳонгир Абдумўминов («Олмалиқ»), Достон Ҳамдамов («Бунёдкор»), Жалолиддин Машарипов («Пахтакор»), Темур Ҳакимов («Оқ-тепа»).
Ҳужумчилар: Игорь Сергеев («Пахтакор»), Элдор Шомуродов («Бунёдкор»), Жасур Ҳакимов («Сўғдиёна»), Шоҳназар Норбеков («Металлург»).
Захира: Муҳсин Убайдуллаев («Нефтчи»).
Эслатиб ўтамиз, ноябрь ойининг охирида ЎФФ президенти қарорига асосан Ўзбекистон миллий терма жамоаси бош мураббийи Самвел Бабаян олимпия терма жамоасига ҳам бош мураббий этиб тайинланганди.
Изоҳ (0)