Samvel Babayan qo‘l ostida O‘zbekiston olimpiya terma jamoasi birinchi yig‘inga kirishdi, deb xabar beradi O‘zbekiston futbol federatsiyasi matbuot xizmati.
Yanvar oyida Qatarda o‘tkaziladigan Osiyo Kubogida ishtirok etadigan olimpiya terma jamoasi 1-dekabrdan 2016-yil Rio-de-Janeyroda o‘tadigan Olimpiadada ishtirok etish uchun yo‘llanma beradigan musobaqaga tayyorgarlikni boshladi. Toshkentda ikki kun shug‘ullanilgach, 2-dekabr kuni yig‘inni davom ettirish uchun BAAning Ajman amirligiga yo‘l olinadi. 2—14-dekabrda Ajmanda va 19—28-dekabr kunlari Dubayda yig‘in o‘tkaziladi. 2—9-yanvar kunlariga mo‘ljallangan yakuniy yig‘in ham Dubayda o‘tishi rejalashtirilgan. Keyin olimpiyachilar Dohaga yo‘l oladi va 13-yanvarda Janubiy Koreya olimpiya terma jamoasiga qarshi uchrashuv bilan Osiyo Kubogidagi ishtirokini boshlaydi.
O‘zbekiston olimpiya terma jamoasi BAAdagi yig‘inlari doirasida 7 ta nazorat o‘yini o‘tkazadi.
Yig‘inga jalb etilgan O‘zbekiston olimpiya terma jamoasi tarkibi quyidagicha:
Darvozabonlar: Abdumavlon Abdujalilov (“Neftchi”), Javohir Ilyosov (“Mash’al”), Alibek Turobov (“Nasaf”), Asilbek Omonov (“Paxtakor”).
Himoyachilar: Sardor Rahmonov (“Neftchi”), Bobur Yo‘ldoshev (“Lokomotiv”), Maksimilian Fomin (“Buxoro”), Javlon Mirabdullayev (“Metallurg”), Rustam Ashurmatov (“Bunyodkor”), Abdulloh Olimov (“Andijon”), Diyor Turopov (“Olmaliq”).
Yarim himoyachilar: Javohir Sohibov (“Paxtakor”), Odil Hamrobekov (“Nasaf”), Otabek Shukurov (“Buxoro”), Javohir Rasulov (“Neftchi”), Doniyor Ismoilov (“Olmaliq”), Abbos Maxstaliyev (“Neftchi”), Jamshid Iskanderov (“Paxtakor”), Vladimir Kozak (“Paxtakor”), Jahongir Abdumo‘minov (“Olmaliq”), Doston Hamdamov (“Bunyodkor”), Jaloliddin Masharipov (“Paxtakor”), Temur Hakimov (“Oq-tepa”).
Hujumchilar: Igor Sergeyev (“Paxtakor”), Eldor Shomurodov (“Bunyodkor”), Jasur Hakimov (“So‘g‘diyona”), Shohnazar Norbekov (“Metallurg”).
Zaxira: Muhsin Ubaydullayev (“Neftchi”).
Eslatib o‘tamiz, noyabr oyining oxirida O‘FF prezidenti qaroriga asosan O‘zbekiston milliy terma jamoasi bosh murabbiyi Samvel Babayan olimpiya terma jamoasiga ham bosh murabbiy etib tayinlangandi.
Izoh (0)