Терактларга тайёргарликда гумон қилиниб, Кенияда ҳибсга олинган икки нафар эронлик мамлакат пойтахти Найробидаги меҳмонхоналарга ҳужум қилишни режалаштирган. Бу ҳақда «ТАСС» хабар бермоқда.
Полиция бош инспектори Жозеф Буненинг маълум қилишича, қўлга олинганлар — 69 ёшли Абубакр Содиқ Лоу ва 25 ёшли Ёсин Самбай Жума Найробидаги хорижий сайёҳлар, тадбиркорлар ва дипломатлар истиқомат қиладиган мемонхоналарга ҳужум уюштиришни режалаштиргани, бунинг учун ёш кенияликларни ёллашга ҳаракат қилганини тан олган.
Кениядаги терактлар ортида одатда Сомалининг «Аш-Шабоб» террорчилари туради, бироқ эронликларнинг мазкур гуруҳ билан боғлиқлиги ҳақида маълумот берилмаган. Режалаштирилган терактларнинг Рим папаси Францискнинг яқинда якунига етган Кенияга ташрифига алоқаси ҳақида ҳам хабар қилинмаган.
Изоҳ (0)