Расмий Анқара, Су-24 самолёти ҳалокатидан кейин Туркия ва Россия ўртасидаги муносабатлар совуқлашиб кетган бир вақтда, Россия билан барча алоқа каналларини очиқ ҳолда сақлаб қолишни биринчи галдаги вазифа, деб ҳисоблайди. Бу ҳақда Туркия бош вазири Аҳмет Давутўғли маълум қилди, дея хабар бермоқда «Газета.ru».
«Биз учун биринчи галдаги вазифа — Россия билан барча алоқа каналларини очиқ ҳолда сақлаб қолишдир», — деди Давутўғли.
Аввалроқ Россия президенти Владимир Путин Туркияга нисбатан махсус иқтисодий чоралар кўриш тўғрисидаги фармонни имзолаган эди. Ҳужжат амалда Туркия бизнесига нисбатан санкциялар жорий этади — Туркияда ишлаб чиқарилган маҳсулотлар импорти ва Россия ҳудудида туркияликларни ишга ёллаш тақиқланади. Чекловларнинг аниқ рўйхати Россия ҳукумати томонидан ишлаб чиқилади.
Воқеа: Туркия уриб туширган Су-24
Изоҳ (0)