Қатарда ғайриоддий шиддатли жала ёғингарчиликлари бўлиб ўтиб, сув тошқинларини келтириб чиқарди. Бу ҳақда AFP берган маълумотларга асосланиб, «ТАСС» хабар беради.
Қатарда ёмғир кечаси билан тинмади. Натижада, метеорологик хизматнинг маълумотларига асосан Ҳамад халқаро аэропорти ҳудудида 80 миллиметрга яқин ёғин миқдори қайд этилиб, бу давлатнинг йиллик 74 миллиметрли нормасидан ошиб кетган. Ўтган йили очилган ва 17 миллиард АҚШ доллари миқдорида сарф-харажат этилган аэропорт биносида сувнинг сизиб ўтиш жойлари аниқланган.
Сув тошқини оқибатида ёпилишга мажбур бўлган АҚШ элчихонаси ҳам талофат кўрган.
Қатар Ички ишлар вазирлиги автомобиль ҳайдовчиларини ҳаддан ташқари эҳтиёт бўлишга чақирди.
Изоҳ (0)