Facebook асосчиси ва бош директори Марк Цукерберг ижтимоий тармоқ Байрут ташқарисидаги портлашлардан сўнг эмас, Париждаги терактлардан кейин «хавфсизликни текшириш» деган янги функцияни ишга туширгани сабабини тушунтириб берди, деб ёзади «РИА Новости».
Ушбу функция Facebook фойдаланувчиларига улар хавфсизликда эканлиги ва жабрланмагани ҳақида хабар қилиш имконини беради.
Цукерберг аниқлик киритишича, ушбу функция фақат табиий офатлар учун ишлаб чиқилган, «энди эса уни одам қўли бўлган ҳалокатларга мослаштиришмоқда».
«Бу борада саволлар ва муаммолар билан мурожаат қилаётганларнинг барчасига раҳмат айтиб қоламан. Сиз ҳақсиз: дунёда бошқа муҳим низолар кўп. Биз барча одамлар ҳақида бир хил қайғурамиз ва кишиларга турли вазиятларда имкон қадар ёрдам бериш учун ишлаймиз», — деди Цукерберг.
Facebook жамоаси ижтимоий тармоқдаги ўз ньюсрумида «йирик ҳалокатлар содир бўлганида одамлар фойдаланиши мумкин бўлган фойдали инструмент яратиш»ни исташи ҳақида айтиб ўтган.
Эслатиб ўтамиз, Париждаги терактдан сўнг интернетда энг кўп муҳокама қилинган мавзулардан бири Facebook’нинг «хавфсизликни текшириш» функцияси бўлди — ижтимоий тармоқ ўзининг франциялик фойдаланувчиларига мазкур хизматдан фойдаланиш имконини тақдим этди, бироқ бир кун аввал Байрутда юз берган терактни Facebook эътиборсиз қолдирганди.
Изоҳ (0)