Венесуэла президенти Николас Мадуро ва унинг рафиқаси Силия Флореснинг қариндошлари наркотиклар савдосида гумон қилиниб, қўлга олинди ва 10 ноябрь, сешанба куни АҚШга келтирилди. Бу ҳақда «Tengrinews.kz» хабар бермоқда.
The Wall Street Journal маълумотларига кўра, биринчи хонимнинг қариндоши эканлиги тахмин қилинаётган Франки Франциско Флорес-де-Фрейтас ва ўзини президент Мадуронинг ўгай ўғли сифатида таништирган шериги Эфрен Антонио Кампо-Флорес маҳаллий полиция томонидан Порт-о-Пренсда ҳибсга олинган ва АҚШ наркотикларга қарши кураш бошқармасига топширилган.
Флорес-де-Фрейтас ва Кампо-Флорес АҚШга 800 килограмм кокаин жўнатиш мақсадида тил бириктиришда айбланмоқда. Улар 12 ноябрь, пайшанба куни Нью-Йорк суди қаршисида жавоб бериши кутилмоқда.
Изоҳ (0)