12,03 қиротли, ажойиб ёрқин-мовий рангга эга, Blue Moon («Мовий ой») дея ном олган бриллиантли узук Женевадаги Sotheby's аукционида рекорд сумма — 48,63 миллион долларга сотилди. Бу ҳақда «Ведомости» хабар берди.
Унинг тахминий қиймати 34,2—53,7 миллион доллар атрофида баҳоланаётган эди. Харидор номини ошкор этмасликни маъқул кўрди. Олдинги, нарх бўйича бундан ҳам юқори рекорд 2013 йил ноябрида Швейцарияда бўлиб ўтган Sotheby's савдоларида ўрнатилганди. Ўшанда Graff Pink пушти бриллианти 83 миллион долларга сотилган.
Blue Moon 2014 йил январида Жанубий Африкадаги кондан топилган олмосдан ишланган.
Изоҳ (0)