Бангладешда олти нафар эркак ўсмирни қийнаб ўлдиргани учун ўлим жазосига ҳукм қилинди. Бу ҳақда Associated Press хабар бермоқда.
12 ёшли Рақиб Ҳавладер шу йилнинг августида ўлдирилган. Автосервисда ишлаган ўсмир бўшамоқчи эканлигини билдирганда, собиқ хўжайини ва унинг беш нафар шериги Рақибни шафқатсизларча қийноққа солган. Ўсмир касалхонага ётқизилган ва ўша ерда кейинчалик оламдан ўтган.
8 ноябрь, якшанба куни Бангладеш суди ўсмирнинг ўлдирилиши бўйича яна бир ҳукм чиқарди. 13 ёшли сабзавот сотувчиси 2015 йилнинг июль ойида ўлгунча калтакланган. Унга ҳужум қилган кимсалар дўппослаш жараёнини телефон камерасига олган ва кейинчалик 28 дақиқали роликни тармоққа жойлаштирган.
Суд мазкур жиноятга алоқадор бўлган тўрт кишига турли жазо муддатлари — бир йилдан умрбод қамоқ жазосигача берди.
Изоҳ (0)