Исроил авиацияси фаластинлик жангарилар томонидан отилган навбатдаги ракетага жавобан, Ғазо секторини бомбардимон қилди, дея хабар бермоқда «РИА Новости» армия матбуот хизматига таяниб. Ҳодиса натижасида жабрланганлар ҳақида маълумот берилмади.
Ҳарбийлар таъкидлашича, ҳужум нишони анклавда ҳукмронлик қилаётган ҲАМАС ҳаракатининг Ғазо сектори жанубидаги нуқталари бўлди. Бомбардимон аввалроқ Исроил жанубидаги очиқ ҳудудга келиб тушган ракетага жавоб бўлди.
Маълум бўлишича, 2015 йил бошидан буён Ғазо террорчилари томонидан отилган 19 та ракета Исроил ҳудудида портлаган.
Изоҳ (0)