АҚШнинг Миссисипи штатидаги ресторанлардан бирининг автомобиллар тураргоҳида камида 12 та машина ер остига қулади. Бу ҳақда Dallas Morning News нашрига таяниб, «РИА Новости» хабар бермоқда.
Ҳодиса Меридиан шаҳрида содир бўлди. Гувоҳларнинг айтишича, олдин гувиллаган товушлар эшитилган, сўнг электр ўчган ва йўлнинг бир қисми ўпирилиб тушган.
Нашрнинг ёзишича, ҳосил бўлган жарликнинг чуқурлиги 4,5, узунлиги 120, кенглиги 10 метр атрофида. Ўпирилиш сабаблари ҳозирча аниқланмаган. Бунинг оқибатида ҳеч ким жабрланмаган. Ҳодиса сабабларини ўрганиш бошланди.
Изоҳ (0)