Россиянинг «Калашников» концерни Ҳиндистонда автоматик қурол-яроғ ишлаб чиқариш бўйича қўшма корхона яратишни муҳокама қилмоқда, деб ёзади «РИА Новости».
Концерн бош директори Алексей Криворучко сўзларига кўра, айни пайтда Ҳиндистонда давлат ва хусусий компаниялар билан музокаралар олиб борилмоқда. Ҳиндистон компаниялари автоматлар ишлаб чиқаришга 2008 йилдан буён қизиқиш билдириб келаётган бўлса-да, жиддий музокараларга 2015 йил бошидагина киришилган.
«Дастлаб, биз йилига камида 50 минг дона маҳсулот ишлаб чиқаришни кўзда тутмоқдамиз, келажакда эса ишлаб чиқариш ҳажми ортади», — деди Криворучко. Унинг айтишича, ҳиндистонликлар 5,56 ва 7,62 миллиметр калибрли автоматларга қизиқиш билдирмоқда.
Изоҳ (0)