Индонезия, Сингапур ва Малайзияга йўл олаётган Ўзбекистон фуқаролари Индонезиянинг Суматра ва Калимантан оролларидаги ўрмон ёнғинлари сабаб минтақада юзага келган ноқулай экологик вазиятни эътиборга олишлари тавсия этилади. Бу ҳақда «Ўзбектуризм» миллий компанияси матбуот хизмати хабар берди.
Жорий йилнинг 27 октябрь ҳолатига кўра, Индонезия, Сингапур ва Малайзиянинг бир қатор шаҳарларида ҳавонинг ёнғиндан кейин қолган маҳсулотлар билан ифлосланиш кўрсаткичи PSI (Pollutant Standards Index) шкаласи бўйича 150 дан 800 пунктгача етган, ваҳоланки, бундай ифлосланиш 100 баллдан бошлаб инсон саломатлигига зарар етказади.
Маҳаллий метеохизматларнинг прогнозларига кўра, кучли тутун ҳолати узоқ муддат давомида сақланиб қолиши мумкин.
Изоҳ (0)