«Аш-Шабоб» террорчилик гуруҳи Сомали пойтахти Могадишодаги Саҳафи меҳмонхонасига уюштирилган ҳужум учун жавобгарликни ўз бўйнига олди. Бу ҳақда «Коммерсант» хабар бермоқда.
1 ноябрга ўтар кечаси юз берган мазкур ҳодиса оқибатида 12 киши ҳалок бўлгани ҳақида аввалроқ хабар берилган эди. «Жангчиларимиз душманлар яшаётган Саҳафи меҳмонхонасига бостириб кирди ва уни эгаллаб олди», — дея террорчилар вакилидан иқтибос келтирмоқда Reuters агентлиги.
Эслатиб ўтамиз, аввалроқ Могадишода икки портлаш рўй берганди. Ҳодисадан сўнг меҳмонхона ичига кириб олган жангарилар ҳуқуқ-тартибот ходимлари билан отишма келтириб чиқарди. «Пулемётлар билан қуролланган шахслар меҳмонхона томидан бизга қарата ўт очмоқда», — деганди полиция вакили.
Изоҳ (0)