Футбол бўйича 2018 йилги жаҳон чемпионати иккинчи саралаш босқичи, 7-тур ўйинлари доирасидаги H гуруҳининг Ўзбекистон – КХДР ўртасидаги учрашувни эронлик ҳакамлар бригадаси бошқариб боради. Бу ҳақда Ўзбекистон футбол федерацияси матбуот хизмати хабар берди.
12 ноябрь куни Тошкентдаги «Пахтакор» марказий стадионида бўлиб ўтадиган ўйинга бош ҳакам этиб Алиризо Фағоний тайинланган. Унга қанотларда Ризо Сухандон ҳамда Муҳаммадризо Мансурий ёрдам беришади. Учрашув тўртинчи ҳаками — Мовуд Бонядифард. Назоратчи — Салим Сайид Алсувайдий (БАА). Комиссар — Салмон Муҳаммад Намшан (Саудия Арабистони).
Эслатиб ўтамиз, ўйин Тошкент вақти билан соат 18:00 да бошланади.
Изоҳ (0)