Москва вилоятидаги Тимошкино қишлоғида ўлиги топилган «Красногорсклик мерган» Амиран Георгадзенинг ҳайдовчиси Шота Элизбарашвилига уч киши ўлдирилишида шерикчилик қилиш ва ноқонуний қурол айланмасида айблов эълон қилинди. Бу ҳақда Россия Федерацияси Тергов қўмитаси расмий вакили Владимир Маркин маълум қилган, дея хабар берди «Газета.ru».
Тергов маълумотларига кўра, кейинчалик ҳуқуқ-тартибот идораларига ўз ихтиёри билан таслим бўлган Элизбарашвили Георгадзени жиноят содир этилган жой — Красногорск тумани маъмуриятига машинада етказган. Сўнг автомобилдан қурол солинган сумкани олиб, маъмуриятдаги кабинетга келтирган.
Георгадзе томонидан икки киши ўлдирилгач, сумкани машинага қайтариб келиб, бошлиғини Поздняково қишлоғидаги коттежга олиб борган. Унга Георгадзе коттежда шериги Тристан Закаидзе билан учрашув белгилагани маълум эди. Ҳайдовчи бу уйга ҳам қурол солинган сумка олиб кирган ва қотиллик содир этилгач, яна машинага қайтариб олиб чиққан.
Тергов сўровига кўра, суд Элизбарашвилига нисбатан ҳибсга олиш чорасини қўллади.
Изоҳ (0)