Буйнакск жиноий гуруҳига мансублиги тахмин қилинаётган уч нафар жангари Доғистон куч тизими ходимлари билан отишмада йўқ қилинди. Бу ҳақда республика ҳуқуқ-тартибот идораларидаги манбага таяниб, «РИА Новости» хабар бермоқда.
Ҳодиса 28 октябрь, чоршанбага ўтар кечаси Доғистоннинг Буйнакск туманидаги Чабанмахи қишлоғи чеккасида бўлиб ўтган.
«‘ВАЗ 2107’ автомобили текширув учун тўхтатилганда машина ичида бўлган кимсалар ходимларга қарата ўқ узган. Жавоб ўти билан улар йўқ қилинган», — дея таъкидлаган агентлик манбаси.
Жангарилар бўлган автомобиль ёниб кетганлиги сабабли уларнинг шахсини аниқлаш имкони бўлмади.
Изоҳ (0)