Twitter Inc. акциялари биржадан кейинги савдоларда 13 фоизга (ҳар бир акция учун 27,2 долларгача) пасайиб кетди. Бу ҳолат 3-чорак ҳисоботи эълон қилинганидан сўнг рўй берди, дея хабар берди «РБК».
Ҳисоботга кўра, Twitter фойдаланувчилари сони 1,3 фоизга ошиб, 320 миллион кишига етган. Шу билан бирга, реклама жойлаштирилгани учун бошқа мамлакатларга қараганда юқори ҳақ олинадиган АҚШда фойдаланувчилар деярли кўпаймаган.
3-чоракда Twitter тушуми 58 фоизга ошган (569,2 миллион доллар), айни пайтда компания даромадларининг ўсиш суръати кетма-кет бешинчи чорак пасайиб бормоқда.
Компаниянинг 4-чоракдаги тушуми 695-710 миллион долларни ташкил этиши кутилмоқда. Бу 739 миллион доллар тушумни тахмин қилган Thomson Reuters таҳлилчилари башоратидан кам кўрсаткич эканлиги қайд этилди.
Изоҳ (0)