Актёр Жимми Моралес 25 октябрь, якшанба куни Гватемала президентлиги учун бўлиб ўтган сайловларнинг иккинчи турида ғолиб бўлди, деб хабар беради «РИА Новости».
Олий сайлов трибуналининг маълумотларига қараганда, 95 фоиз сайлов участкаларида берилган овоз натижаларига кўра, у деярли 69 фоиз овоз тўплади. Моралеснинг рақиби Сандра Торрес сайловчиларнинг 31 фоиздан кўпроқ овозини тўплади ва ўз мағлубиятини тан олди.
Моралес ғалаба ҳақида ўзи эълон қилди ва коррупцияга қарши курашишга ваъда берди. У Гватемаланинг 50-президенти бўлди.
46 ёшли Моралес тўрт нафар фарзанднинг отаси бўлиб, шу пайтгача комедия жанридаги актёр ва режиссёрлик фаолияти билан шуғулланиб келган. Шу билан бир пайтда у мудофаа ва хавфсизлик соҳаси бўйича магистратурани тамомлаган.
Эслатиб ўтамиз, бундан олдинги Гватемала президенти Отто Перес Молина судья томонидан уни ҳибсга олиш ҳақида буйруқ чиқарилганидан сўнг, сентябрь ойи бошида истеъфога чиққан эди. У божхона органлари фаолиятида фош этилган йирик коррупциявий схемага алоқадорликда гумон қилинган.
Изоҳ (0)