«Тошкент — Термиз» йўлининг Чиноз туманидан ўтган бўлагида «ЗИЛ» русумли юк автомобили иштирокида йўл-транспорт ҳодисаси юз берди. Facebook’даги «Водители Ташкента» гуруҳида қолдирилган хабарга кўра, ҳодиса 16 октябрь куни оқшомда юз берган.
Фойдаланувчилардан бирининг қайд этишича, «ЗИЛ» катта тезликда бошқа бир юк ташувчи автомобилга бориб урилган. Хабарга илова қилинган суратда автомобиль кабинаси қарийб йўқ бўлиб кетганини кўриш мумкин.
«Гувоҳларнинг сўзларига кўра, ҳайдовчи омон қолган, унинг ҳамроҳи эса ҳодиса жойида ҳалок бўлган», — дейди гуруҳда мазкур фотохабарни жойлаштирган фойдаланувчи.
Қайд этишларича, тўқнашувга қуюқ туман ҳам сабаб бўлган бўлиши мумкин. Ҳодисанинг бошқа тафсилотлари маълум эмас, мазкур ҳолат бўйича ҳозирча расмий маълумот йўқ.
Изоҳ (0)