77 кишининг умрига зомин бўлгани учун 21 йилга озодликдан маҳрум этилган норвегиялик террорчи Андерс Брейвик маҳбуслик шароитлари устидан судга шикоят қилади. Унинг адвокати Ойстейн Сторвик буни «ёлғиз ҳолатда маҳбусликда сақлаш инсон ҳуқуқларининг бузилиши» эканлиги билан изоҳламоқда, дея хабар беради «Европейская правда».
Осло округ суди Брейвик ишини келгуси йил март ойида кўриб чиқиши кутилмоқда. Адвокат Андерс эшитувлар чоғида қатнашишига эришиш ниятида.«Унинг қамоқхонадаги шароитларини инсон ҳуқуқларининг бузилиши, деб ҳисоблаймиз. У тўрт йилдан бери якка ҳолда ҳибсда сақланмоқда», дея таъкидлаган Сторвик.
Эслатиб ўтамиз, олдинроқ Андерс Брейвик икки хоналидан бир хонали камерага кўчирилгани ва сутканинг 23 соати давомида камерадан ташқарига чиқиши тақиқлангани туфайли «ўлгунига қадар давом этадиган» очлик эълон қилгани тўғрисида хабар берилганди.
Изоҳ (0)