АҚШ Ички ишлар вазирлиги Арктикадаги ҳудудий сувларда жойлашган нефть-газ конлари мавжуд шельфларни ижара бериш режаларидан воз кечганини маълум қилди. Бу ҳақда «РИА Новости» хабар бермоқда.
Вазирлик вакилларининг қайд этишича, мазкур қарор Shell компанияси Аляска штати қирғоқлари яқинида геологик разведка ишларини тўхтатгани ва яқин орада уларни қайта бошламаслигини эълон қилганидан сўнг қабул қилинган.
«Shell’нинг баёноти, фойдаланишда бўлган ҳудудлар ва жорий бозор шароитларидан келиб чиқиб, кейинги бир ярим йил давомида Арктикадаги шельфнинг нефть-газ конлари мавжуд қисмларини ижарага беришга тайёрлашдан маъно йўқ», — деди АҚШ ички ишлар вазири Сэлли Жуэлл.
Маълумот учун, бошқа мамлакатлардан фарқли равишда АҚШда Ички ишлар вазирлиги полиция тадбирлари ва хавфсизликни таъминлаш билан эмас, балки федерал назоратдаги ерлар ва табиий қазилма бойликлари назорати билан шуғулланади. АҚШда полиция фаолиятини тартибга солувчи ягона бошқарма мавжуд эмас.
Изоҳ (0)