Тошкентдаги Республика олимпия захиралари теннис мактаби кортларида ўтказилаётган «Челленжер» туркумига кирувчи, мукофот жамғармаси 125 минг доллардан иборат бўлган турнирнинг асосий тўр баҳслари ўзининг ҳал қилувчи палласига кирди, деб хабар беради «Оламспорт».
Мусобақада биринчи рақам остида таснифланган ўзбекистонлик Денис Истомин жуфтлик баҳсида ярим финал чиптасини қўлга киритди. Беларуслик Александр Бурий билан жуфтлик ҳосил қилган Истомин чорак финалда Хитой Тайпейи вакили Ти Чен ҳамда беларуслик Владимир Игнатик тандемини ортиқча қийинчиликсиз 6:1, 6:2 ҳисобида таслим этди.
Истомин ва Бурийнинг эндиги рақиблари германиялик Андре Бегеманн ҳамда асли россиялик, айни пайтда Янги Зеландия шарафини ҳимоя қилаётган Артём Ситак бўлади.
Афсуски, Жўрабек Каримов ва Санжар Файзиевдан иборат ўзбекистонлик теннисчилар жуфтлиги ўзларининг иккинчи учрашувларида беларуслик Сергей Бетов ҳамда россиялик Михаил Елгинга икки сетда ҳам бир хил 4:6 ҳисобида мағлуб бўлди.
Изоҳ (0)