Халқаро футбол федерацияси (ФИФА)нинг этика бўйича қўмитаси арбитраж палатаси Жанубий Африка футбол уюшмасининг собиқ аъзоси Линдила Кикани футбол соҳасидаги фаолиятдан олти йилга четлатди. Бу ҳақда «ТАСС» хабар бермоқда.
ФИФА 2014 йили футбол бўйича Жанубий Африка терма жамоаси иштирокида келишилган учрашувларни ташкил этишда гумон қилинган Кикага нисбатан текширув иши очганди. ФИФА маълумотларига кўра, Жанубий Африка термасининг Таиланд, Болгария, Колумбия ва Дания билан ўйинлари келишилган характерда ўтган.
Аввалроқ, Кикага нисбатан суриштирув ҳаракатлари бошлангани сабаб, Жанубий Африка футбол уюшмаси уни Миллий терма жамоалар қўмитаси раҳбарлигидан четлатган эди. Кика ФИФА Этика кодексининг беш моддасини бузганликда айбдор, деб топилди.
Изоҳ (0)