Ўзбекистонлик теннисчи Денис Истомин Пекиндаги ATP таснифига кирувчи China Open турнирини тарк этди. Бу ҳақда «12news.uz» хабар бермоқда.
Дунёнинг 70-ракеткаси ҳисобланадиган Истомин мусобақанинг илк турида, 1 соат ва 36 дақиқа давом этган баҳсда кутилмаганда хитойлик Жанг Зига (219-ракетка) уч сетда 3:6, 6:1 ва 3:6 ҳисобида ютқазиб қўйди. Шу пайтгача Истомин Жанг билан уч бор учрашган бўлиб, бу унинг илк мағлубияти ҳисобланади.
Истомин келгуси ҳафтада мукофот жамғармаси 125 минг доллар бўлган Tashkent Challenger турнирида иштирок этиши кутилмоқда.
Изоҳ (0)