Англиянинг «Челси» футбол клуби жамоа бош мураббийи Жозе Моуриньога боғлиқ вазият юзасидан баёнот билан чиқди ва уни қўллаб-қувватлашини билдирди, дея хабар бермоқда «ТАСС» Лондон клуби расмий сайтига таяниб.
«Челси» Англия чемпионатининг 8-туридаги ўйинда «Саутгемптон»га 1:3 ҳисобида ютқазиб қўйгач, қатор хориж ОАВлари португалиялик мутахассис истеъфога чиқарилиши мумкинлиги ҳақида маълум қилган эди.
«Жозенинг ўзи айтганидек, жамоа натижалари қониқарсиз, жамоа ўйинини эса яхшилаш керак. Шунга қарамай, биз Моуриньони жорий мавсумнинг боришини ўзгартириб юборишимизга туртки бўладиган мураббий деб ҳисоблаймиз. Унинг буни амалга ошира оладиган жамоаси бор», — дейилади баёнотда.
Изоҳ (0)