Ўзбекистон миллий термаси Манамага Виталий Денисовсиз учиб кетди

6 октябрь куни тонгда Ўзбекистон миллий терма жамоаси Жаҳон чемпионати—2018 иккинчи саралаш босқичи, 5-тури доирасидаги учрашувни ўтказиш учун Баҳрайн пойтахти — Манамага учиб кетди. Бу ҳақда Ўзбекистон футбол федерацияси матбуот хизмати хабар бермоқда.

Баҳрайнга қарши учрашувга йўл олган футболчилар таркибида аввал эълон қилинган рўйхатдагидан биргина ўзгариш бўлди. Виталий Денисов жароҳати сабаб ушбу учрашувда иштирок эта олмаслиги маълум бўлди. 23 нафар футболчидан иборат таркибда унинг ўрни ҳужумчи Воҳид Шодиев билан тўлдирилди.

Эслатиб ўтамиз, Баҳрайн — Ўзбекистон учрашуви 8 октябрь куни Тошкент вақти билан соат 20:00 да бошланади.

Қуйида Манамага йўл олган футболчилар рўйхатини келтириб ўтамиз.

Дарвозабонлар: Александр Лобанов («Пахтакор»), Элдор Суюнов («Насаф»), Игнатий Нестеров («Локомотив»).

Ҳимоячилар: Даврон Ҳошимов («Пахтакор»), Егор Кримец («Пахтакор»), Анзур Исмоилов («Чанчун Ятай» , Хитой), Ислом Тўхтахўжаев («Локомотив»), Шавкат Муллажонов («Локомотив»), Шуҳрат Муҳаммадиев («Насаф»).

Ярим ҳимоячилар: Одил Аҳмедов («Краснодар», Россия), Сервер Жепаров («Ульсан Хюндай», Жанубий Корея), Азиз Ҳайдаров «Аш-Шабоб», БАА), Фозил Мусаев («Сепахон», Эрон), Сардор Рашидов («Ал-Жайиш», Қатар), Санжар Турсунов («Ворскла», Украина), Станислав Андреев («Пахтакор»), Жавоҳир Соҳибов («Пахтакор»), Жасур Ҳасанов («Локомотив»), Санжар Шоаҳмедов («Локомотив»).

Ҳужумчилар: Марат Бикмаев («Локомотив»), Игорь Сергеев («Пахтакор»), Элдор Шомуродов («Бунёдкор»), Воҳид Шодиев («Бунёдкор»).