ФИФАнинг ахлоқ қўмитаси ташкилот президентлигига номзод бўлиб турган Чон Монжунни 15 йилга футболдан четлатди ва энди у сайловларда иштирок эта олмайди. Бу ҳақда Reuters агентлигига таяниб, «Arena.uz» хабар бермоқда.
Хабарда айтилишича, 2010 йилда ФИФА вице-президенти бўлган Монжун ижро қўмитаси вакилларига агар Жанубий Корея ЖЧ—2022 мезбонлигини қўлга киритса, футбол ривожи учун 777 миллион доллар ажратишни ваъда қилган.
Таъкидлаш керакки, кореялик амалдор ушбу қарорни ўзини сиёсий курашдан чиқариш учун қилинган фитна, деб баҳолаган.
Эслатиб ўтамиз, ФИФА президентлиги учун навбатдан ташқари сайловлар 2016 йил 26 февралида ўтказилади ва номзодлар 26 октябрга қадар ўз ҳужжатларини тақдим қилиши лозим.
Айни вақтда ФИФА коррупцион можаролар марказида бўлиб турибди ва ташкилотнинг кўплаб амалдорлари ҳибсга олинган. Ташкилот президенти Блаттерга эса Швейцария прокуратураси жиноий иш очган.
Изоҳ (0)