Бугун,

  • USD 10940.05
  • RUB 182.26
  • EUR 11121.65

Бугунда, «дистрибуция» сеҳрли сўзи ишлаб чиқарувчи ва дистрибьюторлик компанияларининг деярли барча топ-менежерлари тилида. Зеро, айнан тўғри тузилган дистрибуция сабаб, охир-оқибат, маҳсулот керакли жойда, керакли вақтда ва мақбул нархда ўз харидорини топа олади.

Фото: Be The Change Group

Фото: Be The Change Group

Дистрибуция масаласи нафақат дистрибьюторлик компанияси, балки у ёки бу даражада, маҳсулотнинг ишлаб чиқарувчи омборхонасидан токи чакана савдо токчаларигача бўлган йўлини назорат қилувчи ишлаб чиқарувчи компаниялари учун ҳам ҳаётий зарурдир.

Ўзимиз учун дистрибуция нима эканлиги ҳақида аниқ таъриф ҳосил қилиб олсак.

Дистрибуция – бу маҳсулотни ишлаб чиқарувчилардан то сўнгги истеъмолчиларгача етказишга йўналтирилган комплекс логистик фаолият.

  • Дистрибутор компанияси учун – ишлаб чиқарувчидан харидоргача маҳсулотлар ҳаракатини ва муайян ҳудудда маҳсулотларни тақсимлашни ташкиллаштириш.
  • Маҳсулот таъминловчиси учун дистрибуция – савдонинг турли йўлларида бошқариш ва режалаштиришга асосланувчи сотувларнинг бошқарув тизимини ташкил этиш.

Дистрибуциянинг асосий муаммолари

Кўп ҳолларда компаниялар биргина нарсани – сотиш, сотиш ва яна бир бор сотишни мўлжалга оладилар. Буларни кейинчалик қандай қилиб ва қаерга қўйиш – дистрибуция занжирида келгуси бўғиннинг бош оғриғи бўлиб қолади. Бозор муносабатларига ўтишда, кўпчилик соҳаларда узоқ вақтгача маҳсулот бозори ҳукм сурар эди ва тегишли равишда, асосий вазифаси маҳсулотни истеъмолчилар ўртасида тақсимлаш бўлган — сотувлар маркетинги (sales marketing)га зарурият мавжуд эди.

Аммо бозор тўйинган эди, рақобат вужудга келиб, кучайиб борар эди. Дистрибуция тизимига ёндашув эса илгаригидек қолди. Маҳсулотларни тарқатиш тармоғини шакллантиришда сифат жиҳатидан янги ёндашувга катта зарурият пайдо бўлди.

Бунинг сабаби қуйидагича:
  • Ўсиб бораётган бозор фонида савдолар ўсишининг секинлашиши ёки уларнинг тушиб бориши кузатилмоқда;
  • Компания маҳсулотнинг сотувлар занжиридан ўтишини назорат қилишни уддалай олмай қолди;
  • Савдо занжирига киришда кузатилган маҳсулот сифати, ундан чиқишда йўқотиб қўйилмоқда;
  • Маҳсулот сўнгги савдо шохобчасида нотекис ва/ёки беқарор, заруриятсиз танаффуслар билан иштирок этмоқда;
  • Компания савдо жараёни айрим ходимлар – савдо бўлими «юлдузлари»га юқори даражали боғлиқлиги кузатилмоқда;
  • Ошириб юборилган савдо режалари туфайли савдо бўлими менежерлари фаолиятининг самарадорлиги пасайиб бормоқда, кундалик икир-чикир ишлар эса кўпаймоқда;
  • Тармоқ бўйича ҳамкорларнинг дебиторлик қарздорлиги ошиб бормоқда.

Фото: Be The Change Group

Фото: Be The Change Group

Ким ёрдам бера олади?

Дистрибуция — бу даромад олишнинг бирламчи омилларидан бири. Дистрибуциянинг амалий тизимини шакллантириш учун мазкур соҳа мутахассислари олдида турган қатор вазифаларни бажариш зарур.

21—22 октябрь кунлари Николай Дорошчукнинг «Дистрибуциянинг сифатли тузилиши» номли муаллифлик семинари бўлиб ўтади. Тадбир дастури ушбу соҳа вакиллари учун махсус ёзилган бўлиб, у компаниянгизнинг маҳсулотларини сотилиш жараёнини энг сифатли ва сезиларли даромад келтирувчилардан бирига айланишига имкон яратади.

Ушбу мавзу бўйича Николай Дорошчук бежизга маърузачи этиб белгилангани йўқ. Дорошчук дистрибуциянинг асл устаси бўлиб, у ўз амалий тажрибасини 1995 йилдан бери олиб бормоқда. Қолаверса, у «Бизнес-Гармония» компанияси таъсисчиси, амалиётчи-тренер, консультант ва дистрибьюторлик компаниянинг шерик раҳбари ҳамдир. Дорошчук 2001 йилдан бери МДҲ бозорида дистрибуцияни ривожлантириш соҳасида етакчи эксперт сифатида тан олинган. Британиянинг Очиқ Университетидан магистр даражасига эга, Европа Дистрибуторлар Ассоциациясининг амалдаги аъзоси ҳамда МДҲ дистрибьюторлар клуби раҳбари. Унинг профессионал фаолият географияси: Украина, Россия, Қозоғистон, Беларусь, Молдова, Қирғизистон, Грузия, Озарбайжон, Ўзбекистон.

Қолаверса, Николай Дорошчук савдо ва дистрибуциялар бўйича қатор видео қўлланмалар, ҳамда китоблар – ишбилармонлар учун бестселлерлар муаллифи: «Амалиётда дистрибуция», «Супервайзернинг иш китоби», «Забт этиш ва ушлаб қолиш». У, шунингдек, Дистрибуцияни Сифатли Тузиш (ДСТ) ва Даромаднинг Сифатли Ўсиши (ДСЎ) бўйича муаллифлик тизимини яратган; бошлиқлар фаолиятини бошқаришнинг автоматлаштирилган тизимини ва мулкдорлар учун дистрибуция бўйича ҳисобот бериш тизимини ишлаб чиққан.

Семинарга ташриф буюриб, нимага эга бўласиз?

Николай Дорошчукнинг икки кунлик семинари ниҳоятда мазмунга бой дастурга эга. Тадбир давомида қуйидаги мавзулар атрофлича ўрганилади:
  • Фойда ошишини режалаштириш ва бошқаришда янгича ёндашув; фойда ошишини режалаштиришнинг андозаси, мезонлари ва кўрсаткичлари;
  • Даромадни бошқариш, даромадли ассортимент матрицасини тузиш;
  • Савдо бўлимининг тузулмаси ва харажатларини оптималлаштириш;
  • Дебитор қарздорликни бошқариш, муддатидан ўтган дебитор қарздорликни камайтириш ва унга йўл қўймаслик;
  • Дистрибуцияда замонавий IT-қарорлар; ДСТда IT-қарорлар – ҳар бир савдо йўли ва савдо шохобчаси бўйича сифатли сотувларни режалаштириш, назорат қилиш ва бошқаришнинг техник имконияти;
  • «Функционал харита»ни шакллантириш – ҳар бир ходимнинг бутун вертикал бўйича мажбуриятлари: тижорат ишлари бўйича директор, савдо бўлими бошлиғи, супервайзер, ДСЎ (Даромаднинг Сифатли Ўсиши) бошқариш тизимида савдо вакили;
  • Иш ҳақи тизимини шакллантиришда янгича ёндашув; дистрибьюторлик компанияда иш ҳаққини тўлаш тизими мезонларини ишлаб чиқиш — тижорат ишлари бўйича директор, савдо бўлими бошлиғи, супервайзер, савдо вакилига солинадиган жарималар, бериладиган бонуслар.

Фото: Be The Change Group

Фото: Be The Change Group

Мазкур семинар кимларга наф келтиради?

Семинарга ташриф буюришдан энг катта фойда кўрувчилар: дистрибьюторлик ва ишлаб чиқарувчи компаниялар, савдо бўлими бошлиқлари, минтақавий менежерлар, супервайзерлар, ходимлар бўлими менежерлари, компанияларнинг корпоратив (ички) тренерлари, савдо вакиллари.

Алоқа ва бошқа маълумотлар учун

Мазкур бизнес-семинар бўйича батафсил маълумотни www.change.uz сайтидан ёки қуйидаги телефон рақамлари орқали олишингиз мумкин: (+99890) 994-12-11, (+99890) 995-12-11 ва (+99890) 994-16-11.

Реклама ҳуқуқи асосида. «Дарё» ушбу тадбирнинг ахборот ҳамкори ҳисобланади

Изоҳ
Асосий янгиликлар