Тошкентдаги Hyatt Regency меҳмонхонаси 2016 йил 1 июлга қадар қуриб битказилади, дея хабар бермоқда UzDaily Ўзбекистон ҳукуматининг қарорига таяниб.
Вазирлар Маҳкамаси 30 сентябрда «Тошкент шаҳрида халқаро синфдаги меҳмонхона қурилишини якунлаш чора-тадбирлари тўғрисида» қарор қабул қилди.
Унда қайд этилишича, Тошкент шаҳар ҳокимияти ва Hyatt International Limited компанияси ўртасида меҳмонхонани бошқариш ва меҳмонхонага Hyatt Regency савдо белгисидан фойдаланиш ҳуқуқини тақдим этиш бўйича шартноманинг асосий шартлари ҳақидаги келишув имзоланган.
Лойиҳа 2016 йил 1 июлгача халқаро стандартларга мувофиқ равишда 301 та хона учун меҳмонхона жамғармасига эга замонавий отель, шунингдек, ёрдамчи бино ва иншоотларни қуришни назарда тутади.
Изоҳ (0)