Чкалов номидаги Тошкент авиация ишлаб чиқариш бирлашмасининг собиқ «Б» ҳудудида «Анҳор — Локомотив» аттракционлар боғи қурилиши давом этмоқда. Afisha’нинг объект паспортига асосланиб маълум қилишича, боғда аттракционлардан ташқари яшил ҳудудлар, кафетерий ва сунъий сув ҳавзалари, шунингдек, сиғими анча катта автотураргоҳ бўлади.
Аввалроқ парк ҳудудида МДҲдаги энг катта — умумий майдони 12 минг квадрат метр бўлган картодром қурилиши ҳақида хабарлар пайдо бўлганди. Унда 6—12 ёш оралиғидаги болалар, 12—20 ёшли ўсмирлар, катталар учун ҳамда икки ўринли картлар ижарага берилиши кўзда тутилган.
Бундан ташқари, «Локомотив истироҳат боғи»даги каби, янги парк ҳудудида ҳам тарихий осори-атиқаларнинг макетлари — Ўзбекистон шаҳарларининг ўзига хос рамзлари пайдо бўлади. Масалан, Тошкент телеминораси, Хивадаги Калта Минор минораси, Самарқанддаги Шердор мадрасаси, Андижондаги Бобур хотира мажмуаси, Бухородаги Минораи Калон, Тошкентдаги курантлар ва Темурийлар тарихи музейи макетлари шулар жумласидандир.
Изоҳ (0)