Москвадаги Қрим кўпригидан ўзини ташламоқчи бўлган шахс селфи ихлосманди бўлиб чиқди. Бу ҳақда «ТАСС» хабар бермоқда.
Маълум бўлишича, Қрим кўприги устунларидан бирига чиқиб олган алкогол ичимлик таъсиридаги 26 ёшли беларуслик ўзини ерга ташлаб, ҳалок бўлиш билан таҳдид қилган.
Полиция ходимлари ва Фавқулодда вазиятлар вазирлигининг руҳшуносларининг биргаликдаги саъй-ҳаракатлари билан тартиббузар қурилиш техникаси ёрдамида устундан туширилган.
Ҳозирги вақтда уни сўроқ қилишмоқда. «Суҳбат давомида у кўприк устунига селфига тушиш мақсадида чиққани маълум бўлди», — дейди Москва шаҳар полицияси матбуот хизмати вакили.
Изоҳ (0)