Олмаотада дастлаб икки қизини, сўнг ўзини бешинчи қаватдан ташлаган Жадира Қулмамированинг аҳволи яхшиланиб бормоқда. Бу ҳақда, шаҳар соғлиқни сақлаш бошқармаси матбуот хизматига асосланиб, «Nur.kz» хабар бермоқда.
33 ёшли Жадира Қулмамирова даволаниш курсидан сўнг 1-сон Марказий клиник касалхонанинг реабилитация бўлимига ўтказилган. Унинг 1 ёшу 2 ойлик қизи 1-сон Болалар клиник касалхонасининг нейрохирургия бўлимида даволанмоқда ва унинг ҳам аҳволи яхшиланмоқда.
Эслатиб ўтамиз, ҳодиса 9 сентябрь куни юз берганди. Аёл 5-қаватдан дастлаб ўз фарзандларини улоқтириб, сўнг уларнинг ортидан ўзи сакраганди. Аёлнинг 2007 йилда туғилган катта қизи ҳодиса жойида вафот этган, кенжаси эса омон қолган.
Олмаота ички ишлар департаменти маълумотига кўра, ҳозирги вақтда мазкур ҳолат юзасидан тергов-суриштирув ҳаракатлари олиб борилмоқда.
Изоҳ (0)