Дубай аэропорти йўловчи оқими 50 миллиондан юқори бўлган дунёнинг энг яхши аэропорти деб топилди ва авиасаёҳатлар бобидаги нуфузли халқаро мукофот — World Routes Marketing Award соҳибига айланди. Мукофотни топшириш маросими 22 сентябрь, сешанба куни ЖАРнинг Дурбан шаҳрида бўлиб ўтди, дея хабар қилинади тадбир сайтида.
Йилига 20 миллиондан 50 миллионгача кишига хизмат кўрсатувчи аэропортлар орасида мукофот Копенгаген аэропортига насиб этди. Прага аэропорти эса 4 миллиондан 20 миллионгача йўловчи оқимига эга аэропортлар сафида етакчи бўлди. 4 миллионгача йўловчига хизмат қиладиган кичик ҳаво қўналғалари ичида Канаданинг Галифакс Стэнфилд аэропортига тенг келадигани топилмади.
Шунингдек, Сингапур, Амстердам, Франкфурт, Абу-Даби, Брюссель, Дублин, Мюнхен, Вена ҳаво дарвозалари ҳам дунёнинг энг яхши аэропортлари рўйхатида қайд этилди.
Изоҳ (0)