Эстонияда 22 сентябрь куни АҚШ ҳарбий-ҳаво кучлари иштирокида ҳарбий машғулотлар бошланади. Бу ҳақда Эстония ҳарбий-ҳаво кучлари қўмондони Яак Тариэн маълум қилди, дея хабар бермоқда «Европейская правда».
«Эстония ва АҚШ ҳарбий-ҳаво кучларининг қўшма машғулотлари Atlantic Resolve номи билан танилган кўлами нисбатан катта бўлган дастур доирасида бўлиб ўтади. АҚШ томонидан ўтган йили бошланган мазкур операция НАТОнинг шарқий қанотидаги мамлакатлар, хусусан, Эстонияда альянснинг ҳарбий иштирокини оширишга қаратилган», — деди Яак Тариэн.
Унинг сўзларига кўра, Эстония ва АҚШ ҳарбий-ҳаво кучлари 2015 йил ҳисобидан учинчи қўшма машғулотларни ўтказмоқда. Март—апрель ойларида Эстония осмони узра АҚШнинг F-16 қирувчи самолётлари парвоз қилган бўлса, август—сентябрда A-10 штурмчилари синовдан ўтди.
Марказий полигондаги нишонларни уриш учун мудофаа кучлари шовқини унча кучли бўлмаган, оғирлиги 25 фунтга тенг ўқув бомбалари ва ўқув қурол-аслаҳаларидан фойдаланади. Қайд этиш жоиз, 21 сентябрь куни ўқув машғулотларида қатнашиш учун АҚШдан 10 та A-10 штурмчи самолёти олиб келинган.
Изоҳ (0)