Хитой Халқ Республикаси раиси Си Цзиньпин 22 сентябрь, сешанба куни биринчи давлат ташрифи билан АҚШга келади, дея хабар бермоқда «ТАСС».
У дастлаб Сиэтлга келади ва у ерда Америка-Хитой алоқалари бўйича миллий қўмита ҳамда Америка-Хитой ишбилармонлик кенгаши томонидан ташкил қилинган қабулда нутқ сўзлайди. Қабулга сиёсатчилар ва ишбилармонлик доиралари вакиллари, хусусан, АҚШ собиқ давлат котиби Генри Киссинжер таклиф қилинган.
Икки кунлик ташрифдан ўрин олган асосий ҳодиса 23 сентябрга мўлжалланган «Америка-Хитой интернет саноати форуми»дир. Унда Интернетнинг Хитой сегменти раҳбари Лю Вэй, шунингдек, Baidu, Alibaba, Apple, Microsoft, Amazon каби 30 та Хитой ва Америка компаниялари раҳбарлари қатнашади.
Изоҳ (0)