20 сентябрь, якшанба куни 46 нафар муҳожир бўлган дамлама қайиқ Грециянинг Лесбос ороли яқинида чўкиб кетди. Бу ҳақда «ТАСС» хабар бермоқда.
Қутқарувчилар қуруқликка 20 кишини олиб чиқишга муваффақ бўлди, 26 киши дом-дараксиз йўқолган, деб ҳисобланмоқда. Қутқарилганлар ва йўқолганларнинг қайси мамлакат фуқаролари эканлиги ҳозирча аниқланмаган.
Бундан бир кун аввал, 19 сентябрь, шанба куни ҳам Туркиядан Грецияга етиб олишни қўзлаган муҳожирлар қайиғи Лесбос ороли маъмурий маркази Митилини шаҳридан беш километр нарида чўкиб кетган, унда бўлган беш ёшли суриялик қизалоқ ҳалок бўлиб, 14 киши дом-дараксиз йўқолганди.
Изоҳ (0)