20 сентябрь, якшанба куни маҳаллий вақт билан 12:00 да Херсон вилояти билан Қрим ўртасидаги маъмурий чегарада Қрим татарлари ва жамоатчилик фаолларининг яриморолни савдо қамали қилиш бўйича муддатсиз акцияси бошланди. Бу ҳақда Украина ички ишлар вазирининг маслаҳатчиси Зорян Шкиряк Facebook’даги саҳифасида маълум қилди, дея хабар бермоқда «Корреспондент.net».
«Чонгар, Чаплинка, Каланчак назорат пунктларида яриморолга йўл олаётган юк машиналарини қамал қилиш бошланди. Одамлар жуда кўп, улар мамлакатнинг турли минтақаларидан келишда давом этмоқда», — дея хабар қилган Шкиряк.
Қамал жойида чодирлар, дала ошхоналари, санузеллар жойлаштирилган, чегарага олиб борувчига йўлга бетон урналар ўрнатилмоқда. Маҳаллий журналистларнинг таъкидлашича, айни пайтда чегарада юк машиналари кузатилмаган, чунки ҳайдовчиларга қамал бошланишидан аввал, тунда чегарадан узоқроққа кетиш маслаҳат берилган.
Акцияда Мажлис етакчиси, депутат Рефат Чубаров ҳам иштирок этмоқда. У мазкур қамалдан ташқари, Қрим татарлари яриморолга электр энергияси етказиб беришни тўхтатишга ҳаракат қилишини ҳам истисно этмади.
Изоҳ (0)