Бразилиядаги давлат умумтаълим мактабининг учинчи синфига ўтган ҳар бешинчи ўқувчи бутун бир гапни эмас, фақат алоҳида сўзларни ўқий олиши мумкин. «ТАСС»нинг Бразилия таълим вазирлиги маълумотларига асосланиб хабар беришича, ўқувчиларнинг фақат ярми жуда қисқа матндаги маъно-мазмунни англай олади, холос.
«Тадқиқот натижалари жуда хавотирли. Агар Таълим соҳасидаги миллий режаларга мувофиқ саводсизликни тугатишни истаётган бўлсак, у ҳолда шошилинч чоралар кўриш зарур», — деди Бразилия таълим вазири Ренато Жанине Рибейру.
ЮНЕСКО томонидан 2014 йил декабрида эълон қилинган маълумотларга кўра, мутлақ саводсиз фуқаролар сони бўйича Бразилия жаҳонда саккизинчи ўринда туради (13 миллион киши). Мазкур кўрсатич бўйича Бразилияни фақат Ҳиндистон, Хитой, Покистон, Бангладеш, Нигерия, Эфиопия ва Миср ортда қолдирган.
Изоҳ (0)