НАТО бош котиби Йенс Столтенберг Украинага ташрифи давомида Альянс ҳамкорликлари тарихида илк бор ҳамкор-мамлакатдаги ҳарбий машғулотларни очиб беради. Бу ҳақда «Европейская правда» хабар бермоқда.
Фавқулодда ҳодисаларнинг оқибатларини бартараф этиш ва фуқаро муҳофазаси кўникмаларини ривожлантиришга қаратилган «Украина—2015» ҳарбий машғулотлари Львов вилоятидаги Яворов полигонида бўлиб ўтади.
Қайд этишларича, ҳарбий машғулотларнинг очилишида Украина президенти Пётр Порошенко ҳам қатнашади.
Столтенберг 21—22 сентябрь кунлари ташриф билан Украинада бўлади, мазкур ташриф давомида бир қатор битимлар, хусусан, НАТОнинг Украинадаги ваколатхонаси тўғрисидаги келишув имзоланиши кутилмоқда.
Изоҳ (0)