Россия спорт вазири ва мамлакат футбол уюшмаси президенти Владимир Мутко ФИФАдаги коррупция ҳолатлари текшируви 2018 йилда Россияда бўлиб ўтадиган жаҳон чемионатига таъсир кўрсатмаслигига умид билдирди. Бу ҳақда «Чемпионат» хабар бермоқда.
«Янги айбловлар ҳам бўлади, чунки текширув ҳали ёпилгани йўқ, — дея таъкидлаган Мутко. — Февралда ФИФАга сайловлар ўтказилади. Аммо жаҳон чемпионатига тайёргарликка бунинг таъсири бўлмайди. Бир нарсани тушуниш керак: жаҳон биринчилиги — халқаро футбол ташкилотининг гавҳари. Унга қасд қилмасликларига ишончим комил».
Эслатиб ўтамиз, 17 сентябрь, пайшанба куни ФИФА бош котиби Жером Вальке ўз лавозимидан озод этилгани ҳақида хабар берилган эди.
Изоҳ (0)