Ўн олти ёшгача бўлган футболчилар ўртасидаги Осиё чемпионати саралаш босқичи доирасида Ўзбекистон ўсмирлар терма жамоаси ўзининг дастлабки учрашувини ўтказди, деб хабар беради Ўзбекистон футбол федерацияси матбуот хизмати.
Саралаш босқичини «А» гуруҳида ўтказаётган Темур Олимхўжаев жамоаси Фаластиннинг Ар-Рам шаҳридаги «Файсал ал-Ҳусайни» стадионида Мальдив оролларига қарши майдонга чиқди.
Ўйиннинг дастлабки бўлимида Ўзбекистон U-16 кўплаб вазиятлар яратганига қарамай, фақатгина биргина гол билан кифояланди. Иккинчи таймда эса ўзбекистонликлар еттита тўп киритди.
Гуруҳдаги иккинчи ўйинда Яман ўсмирлар терма жамоаси Фаластинни 2:0 ҳисобида мағлуб этди.
Биринчи турдан сўнг Ўзбекистон ўсмирлар терма жамоаси «А» гуруҳида етакчилик қилмоқда. Ўзбекистон ўсмирлар терма жамоасининг кейинги учрашуви бугун, 18 сентябрь куни Тошкент вақти билан 19:00 да Фаластинга қарши бўлиб ўтади.
U-16 Осиё чемпионати саралаши.
«А» гуруҳи, 1-тур.
Ўзбекистон – Мальдив 8:0 (1:0)Голлар: Расул Йўлдошев (12, 50, 71), Абдунозир Абдураҳмонов (60, 74, 86), Ислом Каримов (62), Абубакр Мўйдинов (83).
Изоҳ (0)