Шимолий Корея етакчиси Ким Чен Ин сув тошқинларидан жабрланган Расон шаҳрида бўлиб, инфраструктура, жумладан, транспорт ва энергетика тизимини тиклаш ишлари билан танишди. У уйлари сув остида қолган аҳоли учун янги хонадонлар барпо этаётган ҳарбий қурувчиларга миннатдорчилик билдириб, «барча ишларни 10 октябрь — мамлакатда Корея меҳнат партиясининг 70 йиллиги тантана қилинадиган кунгача якунлаш»га чақирган. Бу ҳақда «ТАСС» хабар бермоқда.
Корея марказий телеграф агентлиги (КМТА) маълумотларига кўра, август ойида рўй берган тошқинлар туфайли 5,2 минг турар-жой ва 100 га яқин бинолар вайрон бўлган, кўприк ва 50 дан ортиқ темирйўл секwиясини оқизиб кетган. Қизил хоч халқаро қўмитаси Расонда камида 89 киши ҳалок бўлиб, 6,4 минг оила эвакуация қилинганини билдирмоқда.
Мазкур табиий офатга шиддатли ёмғирлар сабаб бўлган — бир неча кун мобайнида шаҳарга ёғинларнинг ярим йиллик нормаси ёққан.
Изоҳ (0)