18 сентябрь, жума куни ҳозирча шахси аниқланмаган жангарилар Покистон ҳарбий-ҳаво кучларининг Хайбер-Пуштунхва провинциясида жойлашган гарнизонига ҳужум қилди. Бу ҳақда «ТАСС» хабар бермоқда.
Покистон армияси матбуот хизмати маълумотларга кўра, етти—ўн нафар атрофидаги жангарилар эрта тонгда Бадабер қишлоғидаги гарнизонга ҳужум уюштирган. Ёрдамга етиб келган тезкор гуруҳ жангчилари билан жангарилар ўртасидаги отишмада ҳужум қилганлардан уч нафари ўлдирилди, қолганлари қуршовга олинган.
Покистонлик ҳарбийлар кўрган талофат тўғрисида хабар берилмаган. Жангарилар гарнизонда истиқомат қиладиган мамлакат ҳарбий-ҳаво кучлари зобитларини нишонга олиш ниятида бўлгани тахмин қилинмоқда.
Изоҳ (0)