17 сентябрь, пайшанба куни Доғистондаги туманлардан бирида жангариларнинг қўлбола портловчи қурилмалар тайёрланадиган лаборатория жойлаштирилган, ниқобланган истеҳкоми аниқланди. Бу ҳақда Россия Миллий аксилтеррор қўмитасининг республикадаги тезкор штаби маълумотларига асосланиб, «ТАСС» хабар бермоқда.
«Доғистоннинг Унцукуль туманидаги Майдон қишлоғидан 1,5 километр узоқликдаги истеҳкомдан ишлатиш учун ҳозирлаб қўйилган, қуввати тротил эквивалентида 10 килограммга тенг қўлбола портловчи қурилма, портлашни масофадан бошқаришга мослаштирилган телефонлар ва автомобиль сигнализацияси, портловчи қурилма тайёрлашда керак бўладиган таркибий қисмлар топилди. Шунингдек, чет элда ишлаб чиқарилган 37 та электр детонатори, граната, иккита радиостанция ва автомат учун кўп миқдордаги патронлар аниқланди», — дея маълум қилган тезкор штаб вакили.
Истеҳком ҳуқуқ-тартибот идоралари томонидан олди олинган қатор терактларни тайёрлаган Балаханин жиноий гуруҳига тегишли эканлиги айтилмоқда.
Изоҳ (0)