Чили расмийлари мамлакатда 8,4 магнитудали зилзила рўй берганидан сўнг эълон қилинган мамлакат соҳиллари яқинида цунами ҳосил бўлиш хавфи ҳақидаги огоҳлантиришни бекор қилди. Бу ҳақда Чили фавқулодда вазиятлар миллий бошқармаси маълум қилди, дея хабар бермоқда «ТАСС».
«Гидрография ва океанография хизмати ходимлари билан ўтказилган кенгаш ва олинган таҳлил натижаларидан келиб чиқиб, Тарапака, Антофагаста, Лос-Риос, Лос-Лагос, Айсен ва Магальянес минтақаларида цунами ҳавфи ҳақидаги огоҳлантирув бекор қилинди, — дея таъкидлади бошқарма директори Рикардо Торо. — Бу қарордан келиб чиқиб, хавфли ҳудудларни тарк этган минглаб чилиликлар уйларига қайтиши мумкин».
Эслатиб ўтамиз, 16 сентябрь, чоршанба куни Чилида содир бўлган зилзила оқибатида 5 киши ҳалок бўлди, бир миллиондан зиёд киши эвакуация қилинди.
Биринчи зилзиладан сўнг 15 дан ортиқ кучсизроқ ерости силкинишлари қайд этилган.
Изоҳ (0)