Россия президенти Владимир Путин Италиянинг собиқ бош вазири Сильвио Берлускони билан бирга Қримдаги «Массандра» бирлашмасининг «штаби»да бўлди. «ТАСС» хабарига кўра, улар жаҳондаги энг катта вино кутубхонасининг асосий ертўласига тушди.
Сиёсатчилар вино кутубхонасининг етти галереялари орасида энг асосийси — 500 минг шиша вино тўпланган қисмида бўлди.
«Массандра» бош директори Янина Павленко меҳмонларга коллекциянинг энг қимматбаҳо экспонатлари — ёши икки асрга тенг виноларни намойиш этди. «Буларни ичиш мумкинми?», — дея ҳайрат билан сўраган Берлускони тасдиқ жавобини олди. «Мен ичишни истайман», — деди Берлускони ва шу заҳоти дегустация залига таклиф қилинди.
Изоҳ (0)