Демократик партиядан АҚШ президентилиги учун асосий номзод бўлиши кутилаётган Ҳиллари Клинтон хизмат бўйича ёзишмалар учун шахсий электрон почтасидан фойдаланиб, хатога йўл қўйганини тан олди. Бу ҳақда «Корреспондент.net» хабар бермоқда.
«Мен бундан афсусдаман. Бу мен томондан қабул қилинган энг ёмон қарорлардан бири эди», — деди Ҳиллари Клинтон NBC телеканалига берган интервьюсида.
Клинтоннинг қайд этишича, шахсий электрон почтадан фойдаланиш махфий маълумотларнинг сизиб чиқиб кетишига сабаб бўлишини у ўша вақтда хаёлига ҳам келтирмаган.
Унинг сўзларига кўра, у давлат котиби сифатида ишлаган вақтда техник муаммолар ҳақида ўйлашга вақти ҳам бўлмаган, чунки ўша вақтда «бутун дунё бўйича жуда катта миқдордаги масалалар билан шуғулланишга тўғри келган».
Изоҳ (0)