Малайзия голландиялик терговчилар гуруҳига Украина шарқида қулаган Malaysia Airlines авиакомпанияси самолёти авиаҳалокати бўйича ҳисоботга ўзининг расмий нуқтаи назарини йўллади. Бу ҳақда, «Коммерсант.ru» хабарига кўра, Малайзия транспорт вазири Лиоу Тионг Лай маълум қилди.
«Ҳисобот мазмунини ошкор қилишим нотўғри бўларди, чунки у ҳали якуний кўринишни олмаган. Улар ҳисоботни октябрь ойида эълон қилишга ваъда беришди. Менимча, энг асосийси, ҳисобот ҳаққоний бўлиши ва ҳодиса сабабини кўрсатиб бериши керак», — деди вазир.
Эслатиб ўтамиз, аввалроқ Россия БМТ Хавфсизлик кенгашининг мазкур авиаҳалокат айбдорларига нисбатан халқаро трибунал ташкил этиш бўйича резолюцияси лойиҳасини қабул қилинишига вето қўйганди.
Эслатиб ўтамиз, 2014 йил 17 июль куни «Амстердам — Куала-Лумпур» йўналиши бўйлаб парвоз қилаётган Malaysia Airlines’нинг лайнери Украина шарқида қулаши оқибатида 298 киши ҳалок бўлганди.
Изоҳ (0)