12 август куни Хитойнинг Тяньцзинь шаҳридаги омборхонада рўй берган портлаш қурбонлари сони 121 кишига етди, дея хабар бермоқда «ТАСС». Шулардан 119 нафарининг шахси аниқланган.
Портлашлар «Жуйхай» логистика компанияси омборида содир бўлди. Портлаш тўлқини зарбидан икки километр радиусдаги турар-жойлар ойналари синиб кетди, мингдан ортиқ автомобилга зарар етди.
Қуввати тротил эквивалентида уч тоннага баҳоланаётган портлашдан сўнг ҳодиса ҳудудида кучли ёнғин юзага келди. Шундан кейин омборда яна бир нечта портлаш кузатилди, улардан энг кучлисининг қуввати 21 тонна тротилга тенглаштирилмоқда.
Изоҳ (0)